死撐

http://news.mingpao.com/20090909/gaa1.htm

明報話：就新疆烏魯木齊武警毆打香港記者一事，新疆新聞辦公室昨日公布調查結果，指控3名被打的記者及攝影師在事發當日「跟蹤拍攝」，以及「對聚集遊行人員指手劃腳」、「有煽動鬧事嫌疑」；又說記者拒絕出示證件，才發生「大家不願意見到的」毆打記者事件。

記者會上，有香港記者不滿官方的說法及未能提出證據，情緒激動，高喊「說謊」、「政府無恥」，多人一度堵塞新疆新聞辦公室主任侯漢敏的去路，不讓她離開。

..... 真係群情汹湧。新聞機構大聲鬧唔在講，親中政黨紛紛指責，特首要出頭，香港人大話要向上陳情。真係百花齊放。

問題咪係：打人點都唔啱，根本撐唔過。何解？

1- 得罪新聞界，注定冇運行，日唱夜唱，白都變黑。何況今次係黑！

2- 打人已經唔啱。香港人同傳媒咁怕死，你仲要屈佢，注定要捱批。

3- 9月9日，重有幾耐就 60 國慶？依家香港冇國慶，反而是「好慶」，真係不懂政治。

4- 中央如果郁新疆，俾人話軟弱，唔郁佢，又出現左「疆獨」，中央頭痕了。

其實問題咪來自於無知。20年前係咁，20年後又係咁。

我見的港澳人，冇一個支持疆獨，更痛恨佢地打砸搶燒，陰陰濕濕用針拮人。

但個新疆政府亦唔見得光明磊落：

1- 兵荒馬亂，打錯記者唔出奇，又冇開槍冇人重傷，道過歉就算啦。又證明政府公平公正公開，何樂而不為。

2-人地話軍警會唔會成日打錯人，咁班人要「立危牆下」，兵荒馬亂喎，梗係要自負風險。依點大家都明白。亂講亂撐，反正令人質疑政府的誠信、質疑中央政府的領導能力、偉大領袖的識人之明。

3-睇電視，個女發言人得一個人撐，冇其他人在場，真係慘撐。依我睇，新疆政府內部都未統一見解，只好推佢出來「死」。我稔佢都係搵食，講完都知自己冇運行，準備退休轉工。其實在外國的發言人，一定唔會咁做，事關講個係人都知的大話，以後冇晒公信力。

唉，幾十年都冇變，新疆有排亂，有排有戲睇。